ឯកឧត្តមអភិសន្តិបណ្ឌិត ស សុខា អញ្ជើញជាអធិបតីដឹកនាំកិច្ចប្រជុំលើកទី២ របស់គណៈកម្មការជាតិផ្ដល់យោបល់លើការដកសញ្ជាតិខ្មែរពីកំណើត....

(ទីស្តីការក្រសួងមហាផ្ទៃ)៖នៅថ្ងៃទី២២ ខែកក្កដា ឆ្នាំ២០២៦ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន គណៈកម្មការជាតិផ្ដល់យោបល់លើការដកសញ្ជាតិខ្មែរពីកំណើត (ហៅកាត់ថាគ.ជ.ដ.ខ) បានអញ្ជើញជាអធិបតីដឹកនាំកិច្ចប្រជុំលើកទី២ របស់គណៈកម្មការជាតិផ្ដល់យោបល់លើការដកសញ្ជាតិខ្មែរពីកំណើត។

ក្នុងកិច្ចប្រជុំនេះ ក៏មានការអញ្ជើញចូលរួមពី ថ្នាក់ដឹកនាំក្រសួងមហាផ្ទៃ តំណាងក្រសួង ស្ថាប័ន ដែលជាអនុប្រធានសមាជិក សមាជិកា គ.ជ.ដ.ខ. អគ្គនាយក អគ្គស្នងការរង អគ្គនាយករង ព្រមទាំង ប្រធាននាយកដ្ឋាន អនុប្រធាននាយកដ្ឋាន និងក្រុមការងារពាក់ព័ន្ធ នៃអគ្គនាយកដ្ឋានអត្តសញ្ញាណកម្ម ព្រមទាំងមន្ត្រីជំនាញពាក់ព័ន្ធ៕