លោកឧត្តមសេនីយ៍ឯក ហែម ថា មេបញ្ជាការកងពលតូចលេខ៧០ ទទួលស្វាគមន៍ដំណេីទស្សនៈកិច្ចរបស់គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាម .....

(ភ្នំពេញ)៖ លោកឧត្តមសេនីយ៍ឯក ហែម ថា មេបញ្ជាការកងពលតូចលេខ៧០ នាថ្ងៃទី២២​ ខែកក្កដា​ ឆ្នាំ២០២៦​ បានទទួលស្វាគមន៍ដំណេីទស្សនៈកិច្ចរបស់គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាម ដឹកនាំដោយលោកវរសេនីយ៍ឯក ង្វៀន​ ក្វាងហ៊ុយ​ ប្រធានផ្នែកយុវជន​ នៃអគ្គស្នងការនយោបាយក្រសួងការពារប្រទេសវៀតណាម នៅទីបញ្ជាការកងពលតូចលេខ៧០។

លោកឧត្តមសេនីយ៍ឯក ហែម ថា មានប្រសាសន៍ថា ដំណេីទស្សនៈកិច្ចនេះបានពង្រឹងកិច្ចសហប្រតិបត្តិការយោធារវាងកម្ពុជា-វៀតណាមអោយកាន់តែល្អប្រសើរ ក៏ដូចជាការផ្លាស់ប្តូរបទពិសោធន៍ នាយទាហានវ័យកេ្មងរវាងប្រទេសកម្ពុជា-វៀតណាម។ 

ជាការឆ្លើយតប​ លោកវរសេនីយ៍ឯក ង្វៀន​ ក្វាងហ៊ុយ​  បានថ្លែងអំណរគុណចំពោះការទទួលស្វាគមន៍យ៉ាងកក់ក្ដៅពីសំណាក់លោកមេបញ្ជាការ​ មេបញ្ជាការរង​  នាយទាហាន​ នាយទាហានរង​ និងពលទាហានទាំងអស់។ លោកវរសេនីយ៍ឯក ​ ក៏បានសម្ដែងនូវការពេញចិត្តចំពោះទំនាក់ទំនង និងកិច្ចសហប្រតិបត្តិការដ៏ល្អ រវាងប្រទេសទាំងពីរ​កម្ពុជា-វៀតណាម។ 

ក្នុងឱកាសនោះដែរ​ ក៏មានការលេងបាល់ទះមិត្តភាពរវាងក្រុមបាល់ទះកងពលតូចលេខ៧០ និងក្រុមបាល់ទះនាយទាហានវ័យក្មេងនៃកងទ័ពប្រជាជនវៀតណាមផងដែរ៕