«វេទិកាធុរកិច្ចទេសចរណ៍ ឆ្នាំ២០២៦» ដើម្បីរុញច្រានយុទ្ធនាការ «រដូវកាលបៃតងទស្សនាខេត្តព្រះសីហនុ-កម្ពុជា».....

នាព្រឹកថ្ងៃទី២៩ ខែកក្កដា ឆ្នាំ២០២៦ រដ្ឋបាលខេត្តព្រះសីហនុ បានរៀបចំ «វេទិកាធុរកិច្ចទេសចរណ៍ ឆ្នាំ២០២៦» ក្រោមប្រធានបទ «ផ្សព្វផ្សាយយុទ្ធនាការរដូវកាលបៃតង ទស្សនាខេត្តព្រះសីហនុ-កម្ពុជា» ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និង ឯកឧត្តម ម៉ាង ស៊ីណេតអភិបាលនៃគណៈអភិបាលខេត្តព្រះសីហនុ។ មានការអញ្ជើញចូលរួមយ៉ាងច្រើនកុះករពីសំណាក់អ្នកពាក់ព័ន្ធក្នុងនិងក្រៅប្រទេសសរុបប្រមាណ២៥០នាក់ក្នុងនោះរួមមាន៖ តំណាងក្រុមហ៊ុនទេសចរណ៍ក្នុងស្រុក៖ចំនួន៤០ក្រុមហ៊ុន តំណាងក្រុមហ៊ុនទេសចរណ៍ក្រៅស្រុក (ចិន)៖ ចំនួន ៤០ ក្រុមហ៊ុន (រួមទាំងតំណាងទីក្រុងសម្ព័ន្ធមេត្រី ការិយាល័យទេសចរណ៍ និងក្រុមហ៊ុនទេសចរណ៍អញ្ជើញមកពីប្រទេសចិន)ភ្ញៀវកិត្តិយស និងថ្នាក់ដឹកនាំក្រសួងទេសចរណ៍, ប្រតិភូដឹកនាំដោយ លោក Zhou Wendong អភិបាលរងក្រុងអ៊ូស៊ី, លោក KE KUE អគ្គកុងស៊ុលចិនប្រចាំខេត្តព្រះសីហនុ, តំណាងក្រុមការងារជម្រុញការវិនិយោគខេត្តព្រះសីហនុ ព្រមទាំងឧកញ៉ា លោក-លោកស្រី ប្រធានសមាគម ម្ចាស់សណ្ឋាគារ រមណីយដ្ឋានប្រតិបត្តិករទេសចរណ៍និងអ្នកសារព័ត៌មានជាតិ-អន្តរជាតិ។